Prinsessuferð

Í tilefni af því að litla stelpan mín er að verða 4 ára þá fórum við mæðgur með fjórum vinkonum mínum og dætrum þeirra, sem allar eru líka að verða 4 ára og mjög góðar vinkonur Elísabetar, til Disneylands. Fórum þangað í eina nótt og einn dag. Hittum fullt af prinsessum og meira að segja prinsa líka. Elísabet var alveg jafn uppveðruð af prinsunum eins og prinsessunum, spjallaði mikið við þau öll :-) Við lögðum af stað eldsnemma á fimmtudagsmorgni, tókum flug niður til LA. Eyddum öllum deginum í Disneylandi í tækjum, prinsessuleit og að hafa gaman. Eftir að hafa horft á kvöld skrúðgönguna þá fórum við á Disneyhótelið okkar og héldum svo aftur heim daginn eftir, 5 litlar prinsessur og mömmur þeirra.

Þvílík ævintýraferð, rosalega gaman.